اردو ورلڈ کینیڈا ( ویب نیوز ) الیکشن کمیشن نے عام انتخابات میں حصہ لینے والے امیدواروں کی بنیادی اہلیت کی تفصیلات جاری کر دیں۔الیکشن کمیشن کے مطابق رکن اسمبلی بننے کے لیے امیدوار کا پاکستان کا شہری ہونا چاہیے اور کاغذات نامزدگی جمع کرانے کی آخری تاریخ تک امیدوار کی عمر 25 سال سے کم نہیں ہونی چاہیے۔الیکشن کمیشن کے مطابق قومی اسمبلی کی نشست کے لیے امیدوار کا پاکستان میں کسی بھی جگہ کا ووٹر ہونا ضروری ہے اور صوبائی اسمبلی کی نشست کے لیے امیدوار کا متعلقہ صوبے کا امیدوار ہونا ضروری ہے جب کہ خواتین کی مخصوص نشست کے لیے امیدوار قومی اسمبلی کی نشستوں پر متعلقہ صوبے کا ووٹر ہونا ضروری ہے۔
یہ بھی پڑھیں
عام انتخابات کے لیے انتخابی عمل آج سے شروع، ریٹرنگ افسران کاغذات نامزدگی کیلئے پبلک نوٹس جاری کرینگے
الیکشن کمیشن کے مطابق امیدوار کی اہلیت اور نااہلی کی تفصیلات آئین کے آرٹیکل 62 اور 63 میں درج ہیں، جنرل نشستوں کے لیے امیدوار کا متعلقہ حلقے کا ووٹر ہونا ضروری ہے جب کہ غیر مسلم نشستوں کے لیے امیدوار کا ووٹر ہونا ضروری ہے۔ پاکستان کے کسی بھی حصے سے ووٹر ہو سکتا ہےالیکشن کمیشن نے کہا ہے کہ ہر امیدوار انتخابی اخراجات کے لیے کسی بھی شیڈول بینک میں خصوصی اکاؤنٹ کھولے اور اگر اکاؤنٹ پہلے سے موجود ہے تو کاغذات نامزدگی میں بینک اکاؤنٹ کی تفصیلات درج کریں ، کاغذات نامزدگی کے ساتھ حلف نامہ کی تصدیق امیدوار اسٹامپ پیپر پر کرے گا۔الیکشن کمیشن کے مطابق امیدوار کاغذات نامزدگی کے ساتھ اپنے، بیوی یا شوہر اور زیر کفالت بچوں کے اثاثوں کی تفصیل لکھیں۔الیکشن کمیشن کے مطابق کاغذات نامزدگی میں امیدوار سے متعلق کوئی خانہ نہ ہو تو وہاں این اے لکھا جائے۔
