اردوورلڈکینیڈا( ویب نیوز)بی سی کنزرویٹو پارٹی کی قیادت پر اعتماد کا ووٹ ایک تنازعے کے سائے میں ہو رہا ہے کیونکہ پارٹی کے اندرونی ذرائع کا دعویٰ ہے کہ ہزاروں جعلی ممبرشپ ووٹ کے نتیجے پر اثرانداز ہونے کے لیے استعمال کی گئی ہیں

پارٹی لیڈر جان رسٹاڈ کا قیادت پر اعتماد کا جائزہ لیا جا رہا ہے جو عام طور پر ہر انتخاب کے بعد کیا جاتا ہے لیکن اس بار ان کی قیادت پارٹی کے اندر سے سوالات اور اختلافات کی زد میں ہے حالانکہ گزشتہ سال پارٹی نے حمایت میں غیر معمولی اضافہ دیکھا تھا

ذرائع کے مطابق کیلونا میں ووٹنگ کے آخری دنوں میں دو ہزار سے زائد ووٹ اچانک ظاہر ہوئے جبکہ اس علاقے میں پہلے صرف تقریباً 600 فعال ارکان تھے مواد کے مطابق یہ نئے ارکان چند دنوں میں رجسٹر کیے گئے جب اس حلقے میں ووٹنگ مکمل ہونے والی تھی

یہ نئے ارکان ایک جیسے ای میل فارمیٹ اور جعلی فون نمبروں کے ساتھ رجسٹر کیے گئے اور ان سب کی ممبرشپ فیس صرف تین کریڈٹ کارڈز کے ذریعے ادا کی گئی ذرائع کا کہنا ہے کہ ان ناموں کو پرانے بی سی یونائیٹڈ ممبرشپ لسٹ سے لیا گیا تھا ایک کیس میں تو ایسا شخص بھی رجسٹر کیا گیا جو کافی عرصہ پہلے وفات پا چکا تھا

بی سی یونائیٹڈ بی سی لبرلز کا جانشین ہے جو اکتوبر 2024 کے عام انتخابات سے قبل عملی طور پر ختم ہو گئی تھی اس وقت پارٹی لیڈر کیون فالکن نے استعفیٰ دیا اور کنزرویٹوز کی حمایت کا اعلان کر دیا تھا

جان رسٹاڈ 2022 تک بی سی لبرلز کے رکن تھے لیکن فالکن نے انہیں ماحولیاتی تبدیلی سے انکار کرنے پر پارٹی سے نکال دیا رسٹاڈ نے فروری 2023 میں بی سی کنزرویٹوز میں شمولیت اختیار کی اور اگلے ہی ماہ پارٹی کے سربراہ بن گئے

انتخابات کے بعد پارٹی مسلسل تنازعات میں گھری ہوئی ہے جون میں رسٹاڈ نے وینکوور کوئلچینا کی ایم ایل اے ڈلاس بروڈی کو پارٹی سے نکال دیا کیونکہ انہوں نے ایک پوڈکاسٹ پر رہائشی اسکولوں سے متعلق متنازع ریمارکس دیے تھے اس فیصلے کے خلاف ایم ایل ایز تارا آرمسٹرانگ اور جارڈن کیلی نے بھی پارٹی چھوڑ دی بعد میں بروڈی اور آرمسٹرانگ نے ایک نئی پارٹی بنا لی

ون بی سی نامی یہ نئی پارٹی کہتی ہے کہ وہ “ہمارے تاریخ، ثقافت اور خاندانوں پر گلوبلسٹ حملے کے خلاف لڑنے” کے لیے بنی ہے اور ایک ٹیکس فری بی سی کے لیے 10 سالہ وژن پیش کرتی ہے ان ایم ایل ایز نے قیادت کے جائزہ کے عمل پر سب سے پہلے سوالات اٹھائے تھے

کچھ دن بعد رسٹاڈ نے سابقہ پارٹی ارکان اور عملے پر الزام لگایا کہ وہ “بلیک میل مواد” بشمول خفیہ فون ریکارڈنگز اور ٹیکسٹ میسیجز جاری کرنے کی دھمکیاں دے رہے ہیں اگرچہ انہوں نے کسی فرد کا نام نہیں لیا بعد میں انہوں نے لفظ بلیک میل استعمال کرنے پر افسوس کا اظہار کیا

بی سی این ڈی پی نے سیاسی فائدہ اٹھاتے ہوئے آر سی ایم پی سے تحقیقات کی درخواست کی ہے جبکہ بی سی کنزرویٹو کا آئندہ اجلاس جمعرات کو ہونا تھا جسے اب پیر تک ملتوی کر دیا گیا ہے