118
اردو ورلڈ کینیڈا ( ویب نیوز ) بھارت میں شادی کے دن بغیر بالوں والا دولہا وگ پہن کر دلہن کو لینے آیا لیکن حقیقت سامنے آنے پر لڑکی کے گھر والوں درگت بنا ڈالی
بھارتی میڈیا کے مطابق وائرل ہونے والی ویڈیو بہار کے ایک گاؤں کی ہے، جس میں دولہے کے گنجے ہونے کا انکشاف ہونے پر دلہن کے اہل خانہ کو دولہے کی پٹائی کرتے دیکھا جاسکتا ہے۔
دولہا بہار کے گاؤں دھوبی کا رہائشی ہے جو اپنے قریبی رشتہ داروں کے ہمراہ بارات کے لیے دلہن کے گھر پہنچا تھا۔شادی کی تقریب کے دوران لڑکی کے گھر والوں کو دولہے پر شک ہوا جس کے بعد دلہن کے قریبی دوست نے پہنچ کر دولہے کی وگ اتارنے کی کوشش کی۔ ویڈیو میں لڑکی کے گھر والوں کو دولہے پر اپنا غصہ نکالتے دیکھا جا سکتا ہے، تاہم دولہے نے کئی بار معافی مانگنے کی کوشش کی لیکن دلہن کے گھر والوں نے ایک نہ سنی۔ ویڈیو میں دولہا کو وگ پکڑے معافی مانگتے دیکھا جا سکتا ہے۔ یہ دعویٰ کیا گیا کہ دولہا پہلے سے شادی شدہ تھا۔
