141
غیر ملکی میڈیا رپورٹس کے مطابق روسی صدر پیوٹن نے کہا ہے کہ مشرق وسطیٰ، یوکرین، عراق اور شام میں ہونے والے واقعات کے پیچھے امریکی حکمران طبقہ اور ان کے ساتھیوں کا ہاتھ ہے۔پیوٹن کا کہنا ہے کہ امریکی حکمران طبقہ ارض مقدس میں افراتفری چاہتا ہے، تنازع کے پیچھے جو لوگ ہیں ان سے لڑ کر فلسطینیوں کی مدد کی جاسکتی ہے، ہم یوکرین میں ان سے لڑ رہے ہیں۔
واضح رہے کہ غزہ میں اسرائیلی فوج کی جانب سے فضائی بمباری کے ساتھ ساتھ زمینی جارحیت کا سلسلہ بھی جاری ہے۔فلسطینی وزارت صحت کے مطابق 7 اکتوبر سے اب تک اسرائیلی جارحیت کے نتیجے میں 3 ہزار 457 بچوں سمیت 8 ہزار 306 فلسطینی شہید ہو چکے ہیں۔اسرائیلی جارحیت کے نتیجے میں 15 ہزار 500 فلسطینی زخمی ہو چکے ہیں۔
