اردوورلڈ کینیڈا( ویب نیوز)بیلاروس کے صدر الیگزینڈر لوکاشینکو آج پاکستان پہنچیں گے، بیلاروس کے صدر صدر آصف علی زرداری اور وزیر اعظم شہباز شریف سے ملاقاتیں کریں گے۔.
بیلاروس کا وفد پہلے ہی اسلام آباد پہنچ چکا ہے بیلاروس کا وزارتی وفد وزیر خارجہ میکسم ریزینکوف کی قیادت میں اسلام آباد پہنچا۔. وفد کا استقبال وزیر داخلہ محسن نقوی اور ایڈیشنل سیکرٹری خارجہ شفقت علی خان نے کیا۔.
وفد کے استقبالیہ میں بیلاروس میں پاکستان کے سفیر سجاد حیدر خان بھی موجود تھے۔. بیلاروس کے وفد میں وزیر خارجہ سمیت کل 8 وزراء شامل ہیں۔. بیلاروس کا وفد 68 افراد پر مشتمل ہے۔.
وفد کے اس سرکاری دورے کے دوران پاکستان اور بیلاروس میں تجارتی روڈ میپ پر دستخط کیے جائیں گے، فریقین زراعت، تجارت، سائنس اور ٹیکنالوجی، طب سمیت مختلف شعبوں میں مفاہمت کی 4 یادداشتوں پر بھی دستخط کریں گے۔
دونوں ممالک الیکٹرک بس پروڈکشن پلان کو حتمی شکل دینے پر بھی غور کریں گے، زرعی مشینری اور ٹریکٹروں کی مینوفیکچرنگ انڈسٹری میں تعاون کے فروغ پر بھی تبادلہ خیال کیا جائے گا جبکہ تجارت، سرمایہ کاری، سیکورٹی اور دفاعی تعاون پر تبادلہ خیال کیا جائے گا۔. علاقائی اور عالمی صورتحال پر بھی بات کی جائے گی۔.
