جو خواتین زیادہ پودوں پر مبنی پروٹین والی غذائیں کھاتی ہیں ان میں دائمی بیماریوں کا خطرہ کم ہوتا ہے اور وہ بعد کی زندگی میں صحت مند ہوتی ہیں۔ محققین کے مطابق ان کی تحقیق میں بتایا گیا کہ جن خواتین نے اپنی خوراک میں پروٹین زیادہ استعمال کی (یعنی پھل، سبزیاں، روٹی، پھلیاں، دالیں اور پاستا پر مشتمل غذائیں) ان میں امراض قلب، کینسر اور ذیابیطس کا خطرہ کم تھا۔ صحت کے خراب ہونے کے امکانات ان لوگوں کے مقابلے میں کم دیکھے گئے جنہوں نے یہ غذائیں نہیں کھائیں۔
نتائج کے مطابق جن خواتین نے جانوروں کی پروٹین کا زیادہ استعمال کیا ان میں دائمی بیماریوں میں مبتلا ہونے کے امکانات زیادہ تھے۔ٹفٹس یونیورسٹی کے سائنسدان اور مطالعہ کے سرکردہ مصنف آندرے آرڈیسن کوراٹ کے مطابق، درمیانی زندگی میں پروٹین کا استعمال بڑھاپے میں اچھی صحت سے منسلک ہے۔انہوں نے کہا کہ تحقیق سے یہ بھی معلوم ہوا کہ پروٹین کے ذرائع بھی اہم ہیں۔ درمیانی عمر میں پودوں پر مبنی پروٹین کا زیادہ استعمال اور جانوروں پر مبنی پروٹین کا کم استعمال بڑھاپے میں اچھی صحت میں معاون ثابت ہو سکتا ہے۔
