اردو ورلڈ کینیڈا ( ویب نیوز ) سیکیورٹیز اینڈ ایکسچینج کمیشن آف پاکستان (ایس ای سی پی) نے شہریوں کو خبردار کیا ہے کہ وہ غیر منظور شدہ قرض فراہم کرنے والی ایپس ’منی باکس‘ اور ’منی کلب‘ کے ساتھ کسی بھی قسم کے لین دین سے گریز کریں۔

ایس ای سی پی کے مطابق مذکورہ دونوں ایپس غیر منظور شدہ ہیں اور قرض لینے والوں کو نقصان پہنچا سکتی ہیں۔

واضح رہے کہ ایس ای سی پی کے علم میں آیا ہے کہ مذکورہ بالا دونوں ایپس صارفین کا اعتماد حاصل کرنے کے لیے لائسنس یافتہ نان بینکنگ فنانس کمپنیوں کا نام استعمال کر رہی ہیں۔

ایس ای سی پی کی جانب سے کسی لائسنس یافتہ نان بینکنگ فنانس کمپنی کو "منی باکس” اور "منی کلب” نامی ایپس لانچ کرنے کی اجازت نہیں دی گئی ہے۔

قانون کے مطابق لائسنس یافتہ نان بینکنگ فنانس کمپنیاں ایس ای سی پی کی منظوری کے بعد ہی کوئی بھی ایپ جاری کر سکتی ہیں۔