اردو ورلڈ کینیڈا ( ویب نیوز ) ٹک ٹاک صارفین جلد ہی سوشل میڈیا پلیٹ فارم سے اپنی وائرل ویڈیوز پر اضافی آمدنی حاصل کر سکیں گے ۔
ٹِک ٹاک ایک نئی پے وال فیچر پر کام کر رہا ہے جس کے ذریعے تخلیق کار ایک ڈالر کے عوض کچھ ویڈیوز تک رسائی فراہم کریں گے (یا وہ فیس جو وہ طے کرتے ہیں)۔
ابھی تک یہ واضح نہیں ہے کہ یہ فیچر کیسے کام کرے گا، لیکن یہ ٹِک ٹاک صارفین کو اپنی وائرل ویڈیوز سے براہِ راست کمانے کی اجازت دے گا۔ٹک ٹاک کریٹر فنڈ میں تبدیلیوں پر بھی غور کر رہا ہے کیونکہ فی الحال صارفین کے لیے آمدنی پیدا کرنا مشکل ہے۔
یہ بھی پڑھیں
ٹک ٹاک اور ایڈکاساکا پاکستانی طلباء کے لیے بڑا اعلان
ٹک ٹاک کریئٹر فنڈ کے لیے ایک صارف کو 100,000 فالوورز کی ضرورت ہوتی ہے اور یہی وجہ ہے کہ لوگ اس تبدیلی کا مطالبہ کر رہے ہیں۔ ٹک ٹاک کے ترجمان نے نئے منصوبوں پر تبصرہ کرنے سے انکار کرتے ہوئے کہا، "ہم تخلیق کاروں کے لیے اپنی سروس کو مزید قیمتی بنانے کے لیے پرعزم ہیں۔”
مزید پڑھیں
ابھی تک یہ واضح نہیں ہے کہ پے وال کا فیچر دنیا بھر کے صارفین کے لیے کب دستیاب ہوگا، تاہم نئے کریٹر فنڈ کے مارچ میں متعارف کرائے جانے کی امید ہے۔رپورٹس کے مطابق کمپنی کی جانب سے نئے فنڈنگ سسٹم کو برازیل اور فرانس میں آزمایا جا رہا ہے۔
