اردو ورلڈ کینیڈا ( ویب نیوز)وزیر خارجہ بلاول بھٹو زرداری پی ڈی ایم کے سربراہ مولانا فضل الرحمان کو عمران خان سے مذاکرات کے لیے قائل کرنے میں ناکام رہے۔
پیپلز پارٹی کے چیئرمین بلاول بھٹو زرداری جمعیت علمائے اسلام کے سربراہ مولانا فضل الرحمان سے ملاقات کے لیے ان کی رہائش گاہ ڈیرہ اسماعیل خان پہنچے۔
عمران خان نےحریف سیاسی جماعتوں کے ساتھ بیٹھنے کی حامی بھرلی
ذرائع کے مطابق ملاقات کے دوران پی ڈی ایم سربراہ نے عمران خان سے مذاکرات کی حمایت سے انکار کرتے ہوئے کہا کہ وہ مذاکرات میں شامل نہیں ہوں گے ان کا کہنا تھا کہ میری پارٹی پاکستان تحریک انصاف کے ساتھ مذاکرات کا حصہ نہیں بنے گی۔
اس موقع پر بلاول بھٹو نے کہا کہ سیاسی جماعتوں کے درمیان مذاکرات کے دروازے بند کرنا خوش آئند نہیں۔ پیپلز پارٹی نے 3 رکنی کمیٹی بنادی۔ ہم چاہتے ہیں کہ تمام اتحادی جماعتیں مذاکرات کے معاملے پر ایک پیج پر ہوں۔
پیپلز پارٹی نے تمام سیاسی جماعتوں سے رابطے کا اعلان کردیا،ان سے بھی بات کریں گے جنہیں ہم پسند نہیں کرتے ، بلاول
فضل الرحمان نے کہا کہ سیاسی جماعتوں کے درمیان مذاکرات ہوتے ہیں لیکن یہ بھی دیکھنا چاہیے کہ جن سے مذاکرات ہو رہے ہیں وہ کتنے سنجیدہ ہیں۔ وہ اسے پاکستان کی سیاست کا غیر ضروری عنصر سمجھتے ہیں ۔
