ڈنمارک کی پارلیمنٹ میں قرآن پاک کی بے حرمتی روکنے کا بل منظور کرلیا گیا ہے جس کے بعد ڈنمارک میں عوامی مقامات پر قرآن پاک کی بے حرمتی غیر قانونی ہوگئی ہے۔واضح رہے کہ گزشتہ کئی ماہ کے دوران ڈنمارک اور سویڈن میں قرآن پاک کی بے حرمتی کے متعدد واقعات پیش آئے تھے جس کے بعد مسلم ممالک نے ایسے گھناؤنے اقدامات پر پابندی کا مطالبہ کیا تھا۔

مبصرین کے مطابق، ڈنمارک نے اس قانون کے ذریعے اپنے آزادی اظہار کے قانون اور قومی سلامتی کے درمیان توازن قائم کرنے کی کوشش کی ہے، کیونکہ قرآن کی بے حرمتی کے واقعات نے دنیا بھر سمیت ڈنمارک کی مسلم کمیونٹی میں شدید تحفظات کا اظہار کیا ہے۔