اردوورلڈ کینیڈا( ویب نیوز) غزہ کی پٹی میں اسرائیلی فورسز کی خونریزی جاری ہے، گزشتہ دو دنوں میں اسرائیلی حملوں میں مزید 61 فلسطینی شہید اور 162 زخمی ہوئے۔.
عرب میڈیا کے مطابق شمالی غزہ کے حلیمہ السعدیہ اسکول پر اسرائیلی حملے میں 8 فلسطینی پناہ گزین شہید ہوئے، ناصرت پناہ گزین کیمپ پر صہیونی فوج کے فضائی حملے میں 5 فلسطینی شہید ہوگئے۔.
بوریج پناہ گزین کیمپ میں ایک عمارت پر بم حملے میں 4 فلسطینی شہید اور 10 زخمی ہوئے، تل الحوا میں رہائشی علاقوں پر اسرائیلی ہیلی کاپٹروں سے فائرنگ کی گئی، رفح میں اسرائیلی فوج کے انخلاء کے بعد فلسطینیوں کی 2 لاشیں برآمد ہوئیں۔.
عرب میڈیا کے مطابق مغربی کنارے میں اسرائیلی فوج کے حملے میں ایک امریکی سماجی کارکن ہلاک ہو گیا۔. امریکی سماجی کارکن اسرائیلی آباد کاروں کے خلاف مظاہرے میں شرکت کرنا چاہتا تھا۔.
عرب میڈیا کا کہنا ہے کہ غزہ پر اسرائیلی حملوں میں 40 ہزار 939 فلسطینی شہید اور 94 ہزار 616 زخمی ہوئے ہیں۔.