ishtiaq ahmed 
بولیویا غزہ کی پٹی میں فوجی آپریشن پر اسرائیل سے سفارتی تعلقات منقطع کرنے والا پہلا لاطینی امریکی ملک بن گیا ہے۔
خبر رساں ادارے کے مطابق بولیویا کے ایوان صدر کی وزیر ماریا نیلا پراڈا نے نیوز کانفرنس میں بتایا کہ وہ بولیویا کی ریاست کے طور پر اسرائیل کے ساتھ سفارتی تعلقات ختم کرنے کے اپنے فیصلے سے آگاہ کر رہی ہیں۔
انہوں نے کہا کہ اسرائیلی حملوں کی وجہ سے ہزاروں انسانی جانیں ضائع ہو چکی ہیں اور لوگ بے گھر ہو چکے ہیں۔
ایوان صدر کے وزیر نے کہا کہ اسرائیل انسانیت کے خلاف جرائم میں ملوث ہے، ہم اسرائیل سے غزہ پر حملے بند کرنے کا مطالبہ کرتے ہیں۔
دوسری جانب بولیویا کے نائب وزیر خارجہ کا کہنا ہے کہ یہ فیصلہ اسرائیل کے جارحانہ حملوں کی مذمت میں کیا گیا ہے
واضح رہے کہ 2009 میں بھی فلسطین پر اسرائیلی جارحیت کے خلاف احتجاج کرتے ہوئے بولیویا نے اسرائیل سے اپنے سفارتی تعلقات منقطع کر لیے تھے۔
واضح رہے کہ حالیہ حملوں میں اسرائیلی فورسز نے غزہ کے جبالیہ پناہ گزین کیمپ پر فضائی حملے میں 100 سے زائد فلسطینیوں کو شہید کردیا ہے۔
