10
اردوورلڈ کینیڈا( ویب نیوز) بالی ووڈ اداکارہ شردھا آنے والی فلم میں ‘ناگن کے طور پر مداحوں کے دلوں پر راج کرنے کے لیے تیار ہیں۔.
حال ہی میں بالی ووڈ اداکارہ شردھا کپور کی نئی فلم کا اعلان کیا گیا ہے جس میں وہ ناگن کے روپ میں نظر آئیں گی لیکن فلم کے نام سے متعلق معلومات سامنے نہیں آئی ہیں۔.
فلم کے پروڈیوسر نکھل دویدی نے بھارتی میڈیا سے بات کرتے ہوئے کہا کہ ہمیں فلم کا اسکرپٹ تیار کرنے میں تین سال لگے، فلم کا موضوع بالکل نیا ہے اور اس کا پرانی فلموں سے کوئی تعلق نہیں ہے۔
فلم کی کاسٹ کے بارے میں بات کرتے ہوئے انہوں نے کہا کہ شردھا کی قابلیت نے انہیں بہترین انتخاب بنایا اور ہمیں خوشی ہے کہ وہ فلم کا حصہ ہیں فلم کے پروڈیوسر نے مزید کہا کہ شردھا اب فلم کی شوٹنگ شروع ہونے کا انتظار کر رہی ہیں، فلم کی شوٹنگ اگلے سال شروع ہونے کا امکان ہے۔
