اردوورلڈ کینیڈا( ویب نیوز)پٹھان، جوان اور ڈنکی جیسی سپر ہٹ فلمیں دینے کے بعد حال ہی میں کنگ خان کے مداحوں کے لیے ایک اور خوشخبری آ گئی ہے۔
شاہ رخ خان کی کوئی نئی فلم نہیں بلکہ 20 سال قبل ریلیز ہونے والی سپر ہٹ فلم ویر زارا کو دوبارہ سینما گھروں میں ریلیز کیا جا رہا ہے۔
بھارتی میڈیا کے مطابق فلم ویر زارا 13 ستمبر کو بھارت کے مختلف سینما گھروں میں ریلیز کی جائے گی۔
واضح رہے کہ 2004 میں ریلیز ہونے والی اس فلم میں شاہ رخ خان کے ساتھ پریتی زنٹا نے مرکزی کردار ادا کیا تھا اور اس جوڑی کو خوب پسند کیا گیا تھا۔ اس فلم میں امیتابھ، ہیما مالنی اور رانی مکھرجی نے بھی اہم کردار ادا کیے تھے۔
یش چوپڑا کی ہدایت کاری میں بننے والی یہ فلم 23 کروڑ روپے کے بجٹ میں بنائی گئی تھی جس نے دنیا بھر میں 97 کروڑ روپے سے زیادہ کا بزنس کیا۔