141
اردو ورلڈ کینیڈا ( ویب نیوز ) ابھرتی ہوئی معیشتوں کی تنظیم برکس نے سعودی عرب اور ایران سمیت 6 ممالک کو رکنیت دینے کا فیصلہ کیا ہے۔
برکس کا 15 واں سربراہی اجلاس جنوبی افریقہ میں تیسرے اور آخری روز منعقد ہوا جس میں تنظیم کی توسیع کا اعلان کیا گیا۔
جنوبی افریقہ کے صدر نے کہا کہ برکس نے سعودی عرب اور ایران سمیت 6 ممالک کو نئے رکن بننے کی دعوت دینے کا فیصلہ کیا ہے اور نئے ممالک کی برکس رکنیت یکم جنوری 2024 سے نافذ العمل ہو گی۔جنوبی افریقہ کے صدر کے مطابق جن 6 ممالک کو برکس میں شامل کرنے کا فیصلہ کیا گیا ہے ان میں ارجنٹائن، مصر، ایران، ایتھوپیا، سعودی عرب اور متحدہ عرب امارات شامل ہیں۔روسی صدر پیوٹن نے برکس کی توسیع کے اعلان کا خیرمقدم کیا جبکہ چینی صدر نے کہا کہ برکس کی توسیع سے برکس کوپ میکنزم کو نئی تحریک ملے گی۔اس کے علاوہ ادائیگیوں کے لیے نئی کرنسی کے قیام پر غور کرنے کی قرارداد کی بھی منظوری دی گئی۔واضح رہے کہ برکس کے رکن ممالک میں برازیل، روس، بھارت، چین اور جنوبی افریقہ شامل ہیں جب کہ 2010 کے بعد یہ برکس کی پہلی توسیع ہوگی۔
