اردو ورلڈ کینیڈا ( ویب نیوز ) برطانوی وزیر مملکت برائے امور خارجہ لیو ڈوچرٹی نے پارلیمنٹ سے خطاب میں کہا کہ برطانیہ ایرانی پاسداران انقلاب کو دہشت گرد تنظیم قرار دینے پر غور کر رہا ہے تاہم اس نے ابھی تک اس حوالے سے کوئی حتمی فیصلہ نہیں کیا ہے۔ایران کی صورتحال پر بحث کے دوران پارلیمنٹ کے بعض ارکان نے پاسداران انقلاب پر پابندی عائد کرنے کا مطالبہ کیا ہے۔

ڈوچرٹی نے ایک بیان میں کہا ، "ا اس مطالعے کے نتائج کے بارے میں قیاس آرائی کر نا درست نہیں ،تاہم میں یہ کہہ سکتا ہوں کہ مجھے یقین ہے کہ یہ مطالبہ اس ایوان کے ہر طرف سے آیا ہے۔ مخلوط حکومت ان مطالبات پر غور کرے گی ، یہ وہ چیز ہے جسے ہم بڑی دلچسپی سے دیکھتے ہیں۔

یہ بھی پڑھیں

پاسداران انقلاب کون ہیں ؟کیابرطانیہ انہیں دہشتگرد قرار دے گا؟

اگر ایران کے پاسداران انقلاب کو ایک دہشت گرد گروپ کے طور پر نامزد کیا گیا تو، IRGC کے ارکان پر برطانیہ میں تنظیم کے اجلاسوں میں شرکت اور تنظیم کے ساتھ تعلق رکھنے والے ہر شخص پر پابندی عائد کر دی جائے گی۔ یاد رہے کہ 16 ستمبر سے تہران میں مورل پولیس کی حراست میں 22 سالہ نوجوان خاتون مہسا امینی کی ہلاکت کے بعد سے ایران میں مظاہروں کا سلسلہ جاری ہے۔