98
اردو ورلڈ کینیڈا ( ویب نیوز )پاکستانی خاندان کی شادی میں برطانوی لیبر پارٹی کے سابق سربراہ جیریمی کوربن نے ڈھول کی تھاپ پر رقص کیا تو مہمانوں نے داد دی اور جیریمی کوربن کو کندھوں پر اٹھا لیا۔
سابق اپوزیشن لیڈر نے نارتھ لندن میں شادی میں سفید شرٹ، سفید پینٹ اور نیلے رنگ کا واسکٹ پہن کر شرکت کی۔
دلہا رضوان کے کزن طیب نوید نے جیریمی کوربن کو بھنگڑے میں مدعو کیا اور وہ بھی رقص میں مہمانوں کے ساتھ شامل ہوئے جس کے بعد مہمانوں نے خوشی خوشی انہیں کندھوں پر اٹھا لیا۔جیریمی کوربن نے گزشتہ سال کوونٹری میں لیبر ایم پی زارا سلطانہ کی بہن کی شادی پر بھی بھنگڑے ڈالے تھے ۔
