اردو ورلڈ کینیڈا ( ویب نیوز ) برطانوی میڈیا نے دعویٰ کیا ہے کہ اسماعیل ہنیہ کی شہادت کا بدلہ لینے کے لیے ایران آئندہ 24 گھنٹوں میں اسرائیل پر حملہ کرسکتا ہے۔ برطانوی میڈیا کا کہنا ہے کہ مشرق وسطیٰ کے حکام کا خیال ہے کہ اسرائیل پر حملے کا وقت آ گیا ہے۔امریکی قومی سلامتی کے مشیر جان کربی نے بھی ایرانی حملے کے بارے میں خبردار کرتے ہوئے کہا ہے کہ امریکا کو اسرائیل پر بڑے حملے کے لیے تیار رہنا چاہیے۔
برطانوی اخبار کے مطابق امریکی صدر جو بائیڈن کو بھی اسرائیل پر ایرانی حملے کی توقع ہے۔ اس نے تہران کو حتمی پیغام بھی جاری کیا ہے کہ ’’ایسا نہ کرو‘‘۔اس سے قبل امریکی وزیر دفاع لائیڈ آسٹن نے گائیڈڈ میزائل آبدوز یو ایس ایس جارجیا کو مشرق وسطیٰ میں تعینات کرنے اور یو ایس ایس ابراہم لنکن بحری بیڑے کو اسرائیل پر ایران کے متوقع جوابی حملے کے پیش نظر جلد خطے میں پہنچنے کا حکم دیا ہے۔
