اردو ورلڈ کینیڈا ( ویب نیوز ) ملک میں غیر قانونی اور غیر منظم امیگریشن کو کم کیا جا سکے اور سرکاری سرپرستی، سماجی نظام کو مستحکم بنانے کیلئے برطانیہ میں امیگریشن کو کم کرنے کے لیے بڑی اصلاحات کا اعلان
برطانوی وزیر اعظم سر کیرن سٹارمر نے آج ایک وائٹ پیپر جاری کیا ہے جس میں نئے قوانین اور اصولوں کا تفصیل سے ذکر کیا گیا ہے۔ کہا گیا ہے کہ کام، خاندان اور تعلیم سے متعلق امیگریشن قوانین کو سخت کرتے ہوئے، غیر قانونی اور غیر ضروری داخلے کو روکنے کے لیے اقدامات کیے جائیں گے۔ بارڈر کنٹرول کو دوبارہ مضبوط کیا جائے گا تاکہ غیر مجاز داخلے کا خاتمہ کیا جا سکے امیگریشن کے لیے انگریزی زبان کے ٹیسٹ کو مزید سخت کیا جائے گا تاکہ صرف وہ افراد ہی داخلہ حاصل کر سکیں جو زبان پر عبور رکھتے ہوں، اس کا مقصد ملک میں کمیونیکیشن کے معیار کو بہتر بنانا ہے۔بیرون ملک سے کیئر ورکرز کی برطانیہ بیرون ملک سے کیئر ورکرز کی بھرتی پر پابندی عائد کرے گا، تاکہ مقامی ورک فورس کو ترجیح دی جائے اور مقامی ملازمتوں کو تحفظ فراہم کیا جا سکے۔ ، برطانوی قانون کے تحت مستقل رہائش کے لیے درخواست دینے کا وقت 5 سال سے بڑھا کر 10 سال کر دیا جائے گا، جس سے قانونی امیگریشن کی مدت میں اضافہ ہوگا اور غیر منظم رہائش کا رجحان کم کیا جائے گا۔ سر کیرن سٹارمر کا کہنا ہے کہ یہ اصلاحات امیگریشن سسٹم کو زیادہ کنٹرولڈ، منصفانہ اور قانون کے مطابق بنائیں گی، تاکہ سیاسی اور انتخابی عمل میں بھی بہتری آئے۔اس وائٹ پیپر میں مزید تفصیلات بھی شامل کی گئی ہیں، جن میں امیگریشن کے قوانین کی نفاذ، نگرانی کے نظام اور قانون کی خلاف ورزیوں پر سخت اقدامات کے بارے میں بتایا گیا ہے۔ حکومتی حکمت عملی کا مقصد ہے کہ برطانیہ میں داخلے کے عمل کو مزید منظم، شفاف اور قابل اعتماد بنایا جائے، تاکہ ملک کی معیشت، سلامتی اور سماجی ہم آہنگی کو بہتر بنایا جا سکے۔
