123
اسلام آباد ہائی کورٹ کے چیف جسٹس عامر فاروق نے بشریٰ بی بی کی جانب سے جیل میں اپنے شوہر کی حفاظت اور تحفظ کے لیے دائر درخواست پر اعتراضات کے ساتھ سماعت کی، بشریٰ بی بی کے وکیل لطیف کھوسہ عدالت میں پیش ہوئے۔
چیف جسٹس اسلام آباد ہائی کورٹ جسٹس عامر فاروق نے استفسار کیا کہ درخواست پر اعتراض کیا گیا ہے، آپ کی درخواست میں کیا ہے؟
وکیل لطیف کھوسہ نے کہا کہ چیئرمین پی ٹی آئی کی جان کو خطرہ ہے، وزیر آباد میں بھی ان پر حملہ ہوا ہے، جیل میں تحفظ اور حقوق کے تحفظ کے لیے درخواست دائر کی گئی ہے۔
لطیف کھوسہ کے جواب پر عدالت نے رجسٹرار آفس کے اعتراضات دور کرتے ہوئے درخواست کو 5 اکتوبر کو سماعت کے لیے مقرر کرنے کا حکم دے دیا۔
