اردو ورلڈ کینیڈا ( ویب نیوز ) نیوزی لینڈ کا ایک پیزا ریسٹورنٹ صارفین کو ایک غیر معمولی پیشکش دے رہا ہے کہ وہ ابھی خریدیں اور آپ کے مرنے کے بعد ادائیگی کریں۔

ریسٹورانٹ ہیل پیزا نے اعلان کیا ہے کہ اس کی ‘آفٹر لائف پے’ پروموشن ‘ابھی خریدیں، بعد میں ادائیگی کریں’ اسکیموں سے متاثر ہیں جو نیوزی لینڈ کے متعدد کاروباروں کے ذریعہ اختیار کی گئی ہیں۔

ہیل پیزا کے سی ای او بین کمنگز نے کمپنی کی ویب سائٹ پر کہا: "ہم بہت سے لوگوں کو خوراک جیسی ضروری اشیا خریدنے کے لیے اسکیموں کا استعمال کرتے ہوئے دیکھ رہے ہیں، لیکن ہماری ابھی خریدیں اور مرنے کے بعد ادا کریں کی پیشکش تمام اسکیموں سے منفرد ہے۔پیزا ریسٹورنٹ نے کہا کہ نیوزی لینڈ سے 666 اور آسٹریلیا سے مزید 666 صارفین کو آفٹر لائف پے پروگرام کے لیے منتخب کیا جائے گا، جس کے بعد وہ پیزا خریدنے تک ادائیگی میں تاخیر کے حقدار ہوں گے۔ریسٹورنٹ نے کہا کہ جو لوگ منتخب کیے گئے ہیں وہ مرنے کے بعد اپنے پیزا کی قیمت کے ثبوت کے طور پر ایک معاہدے پر دستخط کریں گے۔ کوئی سود یا ٹیکس لاگو نہیں ہوگا اور معاہدہ قانونی طور پر عمل میں آئے گا۔