اردوورلڈکینیڈا( ویب نیوز) کیلگری میں "کرب سائیڈ ٹریژر ہنٹ” اتوار کو بھی جاری ہے جہاں لوگ مفت میں منفرد چیزیں حاصل کر سکتے ہیں۔
فضلہ کم کرنے اور دوبارہ استعمال و ری سائیکلنگ کو فروغ دینے کے لیے، سٹی آف کلگری نے شہریوں کو کہا ہے کہ وہ اس ہفتے کے آخر میں اپنی غیر استعمال شدہ مگر قابلِ استعمال اشیاء اپنے گھر کے باہر رکھیں تاکہ دوسرے لوگ انہیں اٹھا سکیں۔
بونس (Bowness) کے رہائشی کوڈی چیٹ فیلڈ نے پہلے دن کا تجربہ شیئر کیا۔ ان کے مطابقہمارے پاس گھر اور باغ کی کچھ چیزیں تھیں۔ ابھی ابھی کوئی جمپر کیبلز لے گیا، ایک پرانا بیگ ہے، اور ایک واٹر فاؤنٹین بھی ہے۔
خیال بالکل سادہ ہےاپنی پرانی مگر قابلِ استعمال چیزیں نکال کر سڑک کنارے رکھ دیں،
ڈرائیو وے اور فٹ پاتھ کو خالی رکھیںاور ان پر واضح لکھ دیں کہ یہ "Free” ہیں، تاکہ ہمسایے یا لوگ انہیں اٹھا سکیں۔
چیٹ فیلڈ کا کہنا تھایہ دوبارہ استعمال اور ری سائیکل کرنے کا بہترین طریقہ ہے۔ میں چاہوں گا کہ مزید لوگ اس میں حصہ لیں۔ اس سے بہار کی صفائی کے بعد خزاں کی صفائی بھی ہو جائے گی اور مثبت کام ہوگا۔”
یہ مہم نہ صرف لوگوں کو اپنے محلوں کی کھوج لگانے اور انوکھی چیزیں ڈھونڈنے کا موقع دیتی ہے، بلکہ کچرے کو لینڈفل میں جانے سے بھی روکتی ہے۔
میریندا کروئیکر نے کہاجی، میں بھی تھوڑی جھانک لوں گی۔ یہ دیکھنا مزے کا ہوتا ہے کہ لوگوں کے پاس کیا ہے، اور کبھی پتہ نہیں چلتا کہ آپ کو کس چیز کی ضرورت پڑ جائے۔
چیٹ فیلڈ نے بھی اپنے پڑوسی کے گھر سے ذاتی "خزانہ” ڈھونڈ لیاجی ہاں، ایک چھوٹا سا رینچ ہولڈر تھا، جو میں اپنے گیراج میں استعمال کروں گا۔
جو چیزیں نہ اٹھائی جائیں، انہیں ری سائیکل کرنے، خیراتی اداروں یا سیکنڈ ہینڈ اسٹورز کو عطیہ کرنے کی ترغیب دی گئی ہے۔
