اردوورلڈ کینیڈا( ویب نیوز)شمال مغربی کیلگری میں پانی کا ایک بڑا فیڈر مین ٹوٹنے کے تقریباً ایک ماہ بعد، میئر جیوتی گونڈیک کا کہنا ہے کہ رہائشی اپنے پانی کے استعمال کی معمول کی عادات پر واپس آ سکتے ہیں۔
ان کا کہنا تھا کہ مجھے یہ کہتے ہوئے تسلی ہو رہی ہے کہ آج ہم اچھی اچھی خبریں دے سکتے ہیں،” انہوں نے کہا مجھے یہ بتاتے ہوئے ناقابل یقین حد تک خوشی ہو رہی ہے کہ اندرو ن پانی کا استعمال اب معمول پر آ سکتا ہے اور ہم آہستہ آہستہ بیرونی پانی کے استعمال کو بحال کرنے کے منتظر ہیں کیونکہ ہم نظام کے استحکام کے عمل کی نگرانی کرتے رہتے ہیں
گونڈیک نے کہا کہ عملے نے پیر کو سارا دن کام کیا تاکہ ہائیڈرنٹس کے ذریعے پانی بہایا جا سکے
انہوں نے کہا کہ بیئر اسپاؤ ٹریٹمنٹ پلانٹ میں پیداوار بھی محفوظ طریقے سے بڑھ رہی ہے، جس سے گلینمور واٹر ٹریٹمنٹ پلانٹ میں اہم دیکھ بھال کی اجازت دی جا رہی ہے۔
انہوں نے کہا میں بہت خوش ہوں جو آپ سب نے پچھلے 26 دنوں سے کیا۔ تقریباً ایک مہینے سے آپ پانی کے استعمال کو کم رکھنے کے لیے کوشاں رہے اوراس بات کو یقینی بنایا کہ اس بحران کے دوران ہمارے پاس پینے کا صاف پانی موجود ہے اور ہمارے فائر فائٹرز، ڈاکٹرز اور نرسیں کبھی بھی پانی کے بغیر نہیں رہیں جس کے لئے میں آپ سب کی مشکور ہوں ۔
14