تفصیلات کے مطابق پانچ رکنی بینچ میں سے چار ججز نے سزا کے حق میں فیصلہ دیا، جبکہ ایک جج نے اختلافی نوٹ دیتے ہوئے بولسونارو کو الزامات سے بری کرنے کی رائے دی۔فیصلے کے وقت بولسونارو عدالت میں موجود نہیں تھے کیونکہ وہ پہلے ہی گھر میں نظر بند ہیں۔ ان کے وکیل نے فیصلے کے خلاف اپیل دائر کرنے کا اعلان کیا ہے اور مطالبہ کیا ہے کہ یہ مقدمہ 11 رکنی فل کورٹ کے سامنے سنا جائے۔

امریکی صد ڈونلڈ ٹرمپ نے برازیلی سپریم کورٹ کے فیصلے پر ردعمل دیتے ہوئے اسے "مایوس کن” قرار دیا۔ ان کا کہنا تھا کہ یہ فیصلہ غیر متوقع ہے اور اس نے سب کو حیران کر دیا ہے۔فیصلے کے اعلان کے بعد برازیل کے مختلف شہروں میں بولسونارو کے حامی سڑکوں پر نکل آئے اور ان کے حق میں مظاہرے شروع ہوگئے۔ یاد رہے کہ بولسونارو پر 2022 کے انتخابات کے بعد اقتدار پر قبضہ کرنے کی کوشش کا الزام عائد کیا گیا تھا۔