ایران کے سپریم لیڈر آیت اللہ علی خامنہ ای نے امریکہ کو دھمکی دیتے ہوئے کہا ہے کہ مشرق وسطیٰ میں امریکی اڈوں کو دوبارہ نشانہ بنایا جا سکتا ہے۔

ایران کے سپریم لیڈر آیت اللہ خامنہ ای نے گزشتہ ماہ قطر میں ایک امریکی اڈے کو نشانہ بنانے کا ذکر کرتے ہوئے کہا تھا کہ العدید اڈے پر حملہ کوئی معمولی واقعہ نہیں تھا بلکہ ایک بہت بڑا کارنامہ تھا اور یہ دوبارہ ایسا کرنا ممکن ہے۔آیت اللہ علی خامنہ ای نے کہا کہ وہ خطے میں امریکی اڈوں تک پہنچنے کی صلاحیت رکھتے ہیں۔یاد رہے کہ کل پینٹاگون نے اس بات کی بھی تصدیق کی تھی کہ 23 جون کو ایران کی جانب سے کیے گئے حملے میں العدید بیس پر ایک بیلسٹک میزائل مواصلاتی گنبد سے ٹکرا گیا تھا، جس کی سیٹلائٹ تصویر بھی اب جاری کر دی گئی ہے۔العدید اڈے پر ایران کے حملے کے فوراً بعد امریکی چیئرمین جوائنٹ چیفس جنرل ڈین کین نے ایک بیان میں کہا کہ امریکہ کو ایران کے حملے کا علم ہے۔