اردو ورلڈ کینیڈا ( ویب نیوز) 82 سالہ بل جانسن جو اپنی ریٹائرمنٹ کے بعد اسپورت سینٹرل کے ساتھ رضاکارانہ خدمات انجام دے رہے ہیںنے ایک بڑی کامیابی حاصل کی ہے۔
انہوں نے اب تک 10,000 استعمال شدہ ہیلمٹ دوبارہ بحال کر کے بچوں کے کھیلوں کے لیے فراہم کیے ہیں۔بل جانسن نے 2012 میں ریٹائرمنٹ کے بعد اسپورت سینٹرل کے ساتھ کام شروع کیا۔ وہ عموماً ہفتے میں دو دن یہاں گزارا کرتے ہیں اور کہتے ہیں، “یہ میرے لیے گھر سے نکلنے اور لوگوں سے ملنے کا بہترین موقع ہے۔تقریباً ایک ماہ قبل، جانسن نے محسوس کیا کہ ان کی محنت ایک اہم سنگِ میل تک پہنچ گئی ہے۔ انہوں نے اپنی فہرست میں شمار کیا تو معلوم ہوا کہ انہوں نے 10,000 ہیلمٹ دوبارہ قابل استعمال بنا دیے ہیں۔ جانسن نے کہا، “میں نے کبھی نہیں سوچا تھا کہ میں اتنے زیادہ ہیلمٹ ٹھیک کر دوں گااسپورت سینٹرل ایڈمنٹن میں قائم ایک تنظیم ہے جو استعمال شدہ کھیلوں کا سامان جمع کرتی ہے اسے بحال کرتی ہے اور دوبارہ تقسیم کرتی ہے۔ یہ سامان خاص طور پر چار سے سترہ سال کی عمر کے بچوں کے لیے فراہم کیا جاتا ہے، جن کے والدین نئے کھیلوں کے سامان کا خرچ برداشت نہیں کر سکتے۔جانسن کی خدمات نے ہزاروں بچوں کو کھیلوں میں حصہ لینے کا موقع فراہم کیا ہے اور انہیں صحت مند سرگرمیوں میں شامل ہونے کی ترغیب دی ہے۔ رضاکارانہ محنت اور کمیونٹی کے لیے لگن کے یہ اقدامات دیگر لوگوں کے لیے بھی ایک تحریک کا باعث ہیں۔اس موقع پر اسپورت سینٹرل کے عہدیداروں نے بل جانسن کی تعریف کرتے ہوئے کہا کہ ان کی محنت اور لگن نے نہ صرف بچوں کی زندگیوں میں مثبت تبدیلی لائی بلکہ کمیونٹی میں رضاکارانہ خدمات کی اہمیت کو بھی اجاگر کیا۔بل جانسن کی کہانی یہ ثابت کرتی ہے کہ عمر صرف ایک عدد ہے اور کسی بھی مرحلے میں انسان کمیونٹی کی خدمت میں نمایاں کردار ادا کر سکتا ہے۔
