اردوورلڈ کینیڈا( ویب نیوز)اس موسم گرما میں کچھ مشہور یورپی مقامات کا رخ کرنے والے کینیڈا کے مسافروں کو حکومت کینیڈا کی طرف سے جاری کردہ ایک اہم سفری انتباہ سے آگاہ ہونا چاہیے۔
4 جون 2024 کو وفاقی حکومت نے اٹلی کے لیے اپنی ٹریول ایڈوائزری میں تبدیلی کرتے ہوئے کہا کہ مسافروںکو دہشت گردی کے خطرے کی وجہ سے انتہائی احتیاط برتنی چاہیے۔
حکومت کی ایڈوائزری نوٹ کرتی ہے کہ اس وقت "یورپ میں دہشت گردی کا خطرہ ہے۔
دہشت گردوں نے کئی یورپی شہروں میں حملے کیے ہیں اور یورپ میں مزید حملوں کا امکان ہے۔ اٹلی میں حملوں کو خارج از امکان قرار نہیں دیا جا سکتا۔
مزید کہا گیا ہے کہ ممکنہ اہداف میں سرکاری عمارتیں، عبادت گاہیں، ہوائی اڈے یا دیگر نقل و حمل کے مراکز اور عوامی مقامات جیسے سیاحوں کی توجہ کے مقامات، کھانے پینے کی جگہیں، بار، بازار اور شاپنگ سینٹر شامل ہو سکتے ہیں۔
وفاقی حکومت نے اسپین ، جرمنی اور فرانس جیسے دیگر یورپی مقامات کے لیے بھی "انتہائی احتیاط” کی وارننگ جاری کی ہے ۔