اردو ورلڈ کینیڈا ( ویب نیوز)کینیڈا روس کیخلاف نئی پابندیاں لگائے گا جبکہ یوکرین کیلئے نئی امداد کا اعلان بھی متوقع ہے
وزیر اعظم جسٹن ٹروڈو انڈونیشیا کے بالی میں ہونے والے G20 اجلاسوں کے دوران روس کے خلاف نئی پابندیوں اور یوکرین کے لیے مزید امداد کا اعلان کریں گے یہ دعویٰ کیا ہے معتبرذرائع نے اتوار کے روز، وزیر اعظم نے کہا کہ کینیڈا کا وفد یوکرین پر حملے کے لیے روسی حکومت پر تنقید کرتا رہے گا۔

ٹروڈو نے صحافیوں کو بتایا کہ مجھے قوی شک ہے کہ روسی نمائندے کو وہ پسند نہیں آئے گا جو وہ جی 20 میں ہم سے سننے والا ہے۔‘‘

روس کے صدر ولادیمیر پیوٹن سربراہی اجلاس میں شرکت نہیں کر رہے تاہم پیوٹن نے ان کی جگہ اپنے وزیر خارجہ سرگئی لاوروف کو روانہ کر دیا ہے۔

وزیر خارجہ میلانیا جولی نے ہفتے کے روز کہا کہ اگر انہیں جی 20 اجلاسوں میں مدعو کیا گیا تو وہ لاوروف سے ملاقات نہیں کریں گی، ان کا کہنا تھا کہ اس سے یوکرین پر ماسکو کے حملے کو جائز قرار دیا جائے گا۔