اردو ورلڈ کینیڈا ( ویب نیوز ) امریکی محکمہ خارجہ کے ترجمان میتھیو ملر نے کہا کہ کینیڈا کی حکومت کی جانب سے لگائے گئے الزامات پریشان کن ہیں۔امریکی ترجمان نے کہا کہ وہ اس معاملے پر کینیڈین حکومت سے مشاورت جاری رکھیں گے۔واضح رہے کہ دو روز قبل کینیڈا کے نائب وزیر خارجہ ڈیوڈ موریسن نے کہا تھا کہ بھارتی وزیر داخلہ امیت شاہ نے کینیڈین شہریوں کے خلاف انٹیلی جنس آپریشن کا حکم دیا تھا۔
ہردیپ سنگھ نگر قتل کیس میں قومی سلامتی کمیٹی کے سامنے اپنے بیان میں ڈیوڈ موریسن نے کہا کہ میں نے ہی امریکی اخبار میں بھارتی وزیر داخلہ امیت شاہ کے نام کی تصدیق کی تھی۔سکھ فار جسٹس کے رہنما گرپتونت سنگھ پنوں نے کہا کہ امت شاہ نے ایجنسیوں کو خالصتان کے حامیوں کو پکڑنے کے لیے ہتھیار فراہم کیے تھے۔انہوں نے کہا کہ امت شاہ کے پرتشدد اقدامات امریکا اور کینیڈا کی سلامتی کے لیے خطرہ ہیں، خالصتان ریفرنڈم بھارتی دہشت گردی کے سامنے خاموش نہیں رہے گا۔
