اردو ورلڈ کینیڈ ا( ویب نیوز )پاکستان تحریک انصاف (پی ٹی آئی) کے چیئرمین عمران خان نے کہا ہے کہ پاکستان کے مسائل کا واحد حل قبل از وقت انتخابات ہیں۔

کینیڈا کی اپوزیشن پارٹی کے رہنما پیٹرک براؤن نے زمان پارک میں سابق وزیراعظم عمران خان سے ملاقات کی، اس موقع پر تحریک انصاف کے رہنما عامر خان، چوہدری ظفر، اشفاق احمد، میاں عدنان، مدثر مچانہ، کینیڈا سے سینیٹر فیصل جاوید بھی موجود تھے۔
ملاقات میں پاکستان کی سیاسی صورتحال اور معاشی پالیسیوں پر تبادلہ خیال کیا گیا، اس کے علاوہ پاکستان میں انتخابات کے حوالے سے حکومتی رویے پر بھی بات چیت کی گئی، عمران خان نے کہا کہ قبل از وقت انتخابات ہی پاکستان میں مسائل کا واحد حل ہیں۔
چیئرمین پی ٹی آئی کا کہنا تھا کہ ملک کو فلاحی ریاست بنانا چاہتے ہیں جہاں سب کے لیے یکساں قانون ہو، حکمران انتخابات سے خوفزدہ ہیں، حکمران انتخابات میں رکاوٹ ڈالنے کے لیے آئین کو پامال کرنے کا راستہ اختیار کر رہے ہیں۔