نیویارک میں کونسل آن فارن ریلیشنز فورم سے خطاب کرتے ہوئے نگرا ن وزیراعظم انوار الحق کاکڑ نے کہا کہ ٹی ٹی پی اور داعش کا دوبارہ سر اٹھانا پاکستان اور پوری دنیا کے لیے تشویش کا باعث ہے۔
انہوں نے کہا کہ مستحکم افغانستان پاکستان اور امریکہ کی خارجہ پالیسی کی بنیادی ترجیح ہے۔ وہ افغان حکومت کے ساتھ براہ راست رابطوں کا خیرمقدم کرتے ہیں معاشی خوشحالی کے لیے پاکستان کے پڑوس میں امن و استحکام بہت ضروری ہے۔
انوارالحق کاکڑ نے کہا کہ پاکستان کے عوام آئندہ چند ماہ میں نئی ​​حکومت کو منتخب کریں گے، نگران حکومت کا مینڈیٹ آزادانہ اور شفاف انتخابات کو یقینی بنانا ہے، مستحکم اور جمہوری پاکستان ہماری ترجیح ہے، ہم پاکستان میں پاکستانیوں کی بھرپور نمائندگی کو یقینی بنائیں گے۔