مسجد الحرام کی انتظامیہ کے مطابق وہ عمرہ زائرین کو ہر ممکن سہولت فراہم کرنا چاہتے ہیں۔ کچھ زائرین اپنے ساتھ بڑے بیگ اور پانی کے ڈبے لاتے ہیں جو دوسروں کے لیے پریشانی کا باعث بنتے ہیں۔ پابندی کا مقصد دوسرے زائرین کو تکلیف سے بچانا ہے۔مسجد حرام کے دروازوں کے نگراں سیف السلمی کے مطابق حرم شریف کے دروازوں پر تعینات اہلکاروں کو ہدایت کی گئی ہے کہ وہ پانی کے کین یا بڑے سفری بیگ لے کر جانے والے کسی بھی شخص کو مسجد حرام میں داخل نہ ہونے دیں۔
یہ پابندی اس سے قبل بھی لگائی گئی تھی جس کا بنیادی مقصد حرم شریف میں طواف اور سعی کے دوران لوگوں کو سہولت فراہم کرنا ہے۔ کچھ عازمین حرم شریف کے اندر اپنے ساتھ بڑے بیگ یا بیگ لے جانے کی کوشش کرتے ہیں جس کی وجہ سے دوسرے لوگوں کو طواف اور سعی کرنا مشکل ہو جاتا ہے۔ کچھ لوگ راہداریوں میں اپنا سامان رکھ دیتے ہیں جس سے راستہ روکا جاتا ہے۔
