اردو ورلڈ کینیڈا ( ویب نیوز )فلسطینی مزاحمتی تنظیم حماس غزہ جنگ بندی معاہدے کے تحت چار اسرائیلی خواتین کو آج رہا کرے گی۔

عرب میڈیا کے مطابق حماس نے چار مغوی اسرائیلی خواتین کے نام بھی جاری کیے ہیں۔حماس کے ترجمان کے مطابق ہفتے کو رہا ہونے والوں میں مغوی اسرائیلی فوجیوں کے نام لیری ایلباگ، کرینہ آریو، ڈینیئل گلبوا اور نیما لیوی شامل ہیں۔توقع ہے کہ اسرائیل جلد ہی فلسطینی قیدیوں کی فہرست جاری کرے گا، جس کے بدلے میں 180 فلسطینیوں کی رہائی کا امکان ہے۔دوسری جانب جنگ بندی معاہدے کے باوجود فلسطینیوں کے خلاف اسرائیلی فوج کی کارروائیاں بدستور جاری ہیں۔
اسرائیلی فوج نے شمالی غزہ میں صاف پانی کے واحد پلانٹ کو بھی تباہ کر دیا۔ ادھر مغربی کنارے کے شہر جنین میں اسرائیلی فوج کی کارروائی میں 14 فلسطینی ہلاک اور 40 سے زائد زخمی ہو گئے ہیں۔عرب لیگ اور متحدہ عرب امارات نے مغربی کنارے کے شہر جنین میں اسرائیلی کارروائی کی شدید مذمت کی ہے۔خیال رہے کہ 19 جنوری کو حماس نے جنگ بندی معاہدے کے تحت پہلے تین اسرائیلی قیدیوں کو ریڈ کراس کے حوالے کیا تھا جس کے بعد اسرائیلی جیلوں سے 90 فلسطینی قیدیوں کو بھی رہا کیا گیا تھا۔