اردوورلڈ کینیڈا( ویب نیوز)لیبر لیڈر سر کیئر اسٹارمر برطانیہ کے58ویں وزیر اعظم منتخب ہوئے۔برطانوی میڈیا کے مطابق سر کیئر سٹارمر نے بکنگھم پیلس میں کنگ چارلس سے ملاقات کی، ملاقات کے بعد ان کا بطور وزیراعظم باضابطہ اعلان کیا گیا۔
بکنگھم پیلس کے بعد کیئر اسٹارمر ڈاؤننگ اسٹریٹ پہنچے جہاں شہریوں نے نئے وزیراعظم کا استقبال کیا۔
نومنتخب برطانوی وزیراعظم کیئر اسٹارمر نے قوم سے خطاب کرتے ہوئے کہا کہ دنیا کو سنگین چیلنجز کا سامنا ہے، کسی ملک کو ایک بٹن سے تبدیل نہیں کیا جاسکتا، برطانیہ کو ایک بار پھر صف اول کا ملک بنائیں گے۔
Keir Starmer نے کہا کہ ہماری حکومت ہماری سرحدوں کو محفوظ بنائے گی اور شہریوں کو حقوق دے گی، محنت کش طبقے کی زندگیوں کو بہتر بنائے گی۔
واضح رہے کہ برطانیہ میں ابتدائی عام انتخابات میں 14 سال بعد لیبر پارٹی نے میدان مار لیا ہے، 650 سے 644 نشستوں کے نتائج موصول ہوئے ہیں، جس میں لیبر پارٹی 412 نشستوں کے ساتھ آگے ہے، کنزرویٹو 121، لبرل ڈیموکریٹس نے 71 اور ریفارم پارٹی نے 9 اور دیگر نے 35 نشستیں حاصل کی ہیں۔
48
