178
اردو ورلڈ کینیڈا ( ویب نیوز)سپریم کورٹ کے چیف جسٹس عمر عطا بندیال کو لکھے گئے خط میں سابق وزیراعظم عمران خان نے اپنی جان کو لاحق خطرات سے آگاہ کیا ہے۔
خط میں عمران خان نے چیف جسٹس آف پاکستان سے درخواست کی ہے کہ مختلف مقدمات میں پیشی کے موقع پر سیکیورٹی کے مناسب انتظامات کیے جائیں۔ اس کے علاوہ عمران خان نے چیف جسٹس سے ویڈیو لنک کے ذریعے پیشی کی اجازت دینے کی بھی درخواست کی ہے۔
واضح رہے کہ چیئرمین پی ٹی آئی نے گزشتہ ماہ چیف جسٹس سمیت سپریم کورٹ کے تمام ججز کو بھی خط لکھا تھا جس میں انہوں نے آڈیو لیکس کے حوالے سے موقف اختیار کیا تھا کہ خفیہ ریکارڈنگ کا حق کون سا قانون دیتا ہے۔ یہ سلسلہ کب تک جاری رہے گا؟
فروری میں لکھے گئے خط میں عمران خان نے استدعا کی تھی کہ آڈیو لیکس کے معاملے پر میری درخواست کو فوری سماعت کے لیے مقرر کیا جائے۔
