اردو ورلڈ کینیڈا ( ویب نیوز) ٹی ٹو نٹی ورلڈ کپ کا فائنل بارش سے متاثر ہونے کا خدشہ ہے
، آسٹریلوی محکمہ موسمیات کے مطابق اتوار کو ورلڈ کپ فائنل کے موقع پر بارش کا 95 فیصد امکان ہے جب کہ پیر کو بھی بارش کی پیش گوئی کی گئی ہے۔
تفصیلات کے مطابق اتوار کو میلبورن میں شیڈول ٹی ٹوئنٹی ورلڈ کپ کے فائنل کے موقع پر بارش کا امکان ہے۔
پاکستان ٹیم فائنل کے لیے کوالیفائی کر چکی ہے۔
ورلڈ کپ کی پلیئنگ کنڈیشنز کے مطابق اگر فائنل یا سیمی فائنل بارش سے متاثر ہوا تو مقابلہ ریزرو ڈے پر جاری رہے گا تاہم آسٹریلیا کے محکمہ موسمیات کی پیش گوئی کے مطابق پیر کو موسم زیادہ بہتر نہیں ہوگا اور بارش کا پچانوے فیصد امکان ہے۔
آئی سی سی کا کہنا ہے کہ ان کی پہلی ترجیح میچ کو مقررہ دن پر مکمل کرنا ہے۔
ٹورنامنٹ کے قوانین کے مطابق میچ کو مکمل تصور کرنے کے لیے کم از کم دس ، دس اوورز کا کھیل ضروری ہے۔
اگر بارش کی وجہ سے کھیل بالکل نہیں کھیلا گیا تو دونوں فائنلسٹ ٹیموں کو مشترکہ فاتح قرار دیا جائے گا۔
واضح رہے کہ میلبورن میں بارش کے باعث تین میچز منسوخ ہوئے جب کہ ایک میچ کا نتیجہ ڈک ورتھ طریقہ پر حاصل کیا گیا تاہم آسٹریلوی موسم کے بارے میں کہا جاتا ہے کہ اس کا رنگ بدلنے میں دیر نہیں لگتی۔
سپر 12 مرحلے میں پاک بھارت میچ سے قبل ہی بارش کی پیش گوئی کی گئی تھی لیکن اس وقت موسم صاف تھا اور کھیل مکمل ہو گیا تھا۔
