اردو ورلڈ کینیڈا ( ویب نیوز)محکمہ موسمیات کی رپورٹ کے مطابق خیبرپختونخوا کشمیر، پنجاب، سندھ، شمال مشرقی جنوبی بلوچستان اور گلگت بلتستان میں آندھی اور گرج چمک کے ساتھ بارش کا امکان ہے۔
تاہم اس دوران خیبرپختونخوا، بالائی پنجاب اور کشمیر میں کہیں کہیں جبکہ جنوبی بلوچستان میں چند مقامات پر موسلادھار بارش کا امکان ہے۔
جمعرات کی صبح ریکارڈ کیا گیا کچھ بڑے شہروں کا درجہ حرارت:
اسلام آباد اور کراچی اٹھائیس ڈگری سینٹی گریڈ، لاہور انتیس، پشاور انتیس، کوئٹہ اور مظفر آباد پچیس، گلگت اکیس اور مری اٹھارہ ڈگری سینٹی گریڈ۔
مقبوضہ جموں و کشمیر کے لیے محکمہ موسمیات کی پیشن گوئی کے مطابق سری نگر، جموں، لیہہ، پلوامہ، اننت ناگ، شوپیاں اور بارہمولہ میں جزوی طور پر ابر آلود موسم کے ساتھ بارش اور گرج چمک کے ساتھ بارش کا امکان ہے۔
آج صبح ریکارڈ کیا گیا درجہ حرارت:
سری نگر، اننت ناگ اور بارہمولہ میں اکیس ڈگری سینٹی گریڈ، لیہہ پندرہ، پلوامہ بیس اور شوپیاں میں بائیس ڈگری سینٹی گریڈ۔
