اردو ورلڈ کینیڈا ( ویب نیوز)آئندہ بارہ گھنٹوں کے دوران پنجاب، خیبرپختونخوا، شمالی و مشرقی بلوچستان، گلگت بلتستان اور کشمیر میں آندھی اور گرج چمک کے ساتھ بارش کا امکان ہے۔
تاہم شمالی پنجاب، خیبرپختونخوا، شمالی اور مشرقی بلوچستان اور کشمیر میں بھی چند مقامات پر موسلادھار بارش کا امکان ہے۔
آج صبح ریکارڈ کیا گیا بعض بڑے شہروں کا درجہ حرارت:
اسلام آباد اور پشاور چوبیس ڈگری سینٹی گریڈ، مری سترہ، لاہور انتیس، کراچی ستائیس، کوئٹہ اٹھارہ، گلگت انیس اور مظفر آباد بائیس ڈگری سینٹی گریڈ۔
بھارتی غیر قانونی طور پر مقبوضہ جموں و کشمیر کے لیے محکمہ موسمیات کی پیشن گوئی کے مطابق سری نگر، جموں، پلوامہ، اننت ناگ، شوپیاں اور بارہمولہ اور لیہہ میں بارش، آندھی اور گرج چمک کے ساتھ ابر آلود موسم متوقع ہے۔
آج صبح ریکارڈ کیا گیا درجہ حرارت:
سری نگر، پلوامہ، شوپیاں اور بارہمولہ سترہ ڈگری سینٹی گریڈ، جموں پچیس، لیہہ بارہ اور اننت ناگ اٹھارہ ڈگری سینٹی گریڈ۔
