اردوورلڈ کینیڈا ( ویب نیوز)ایف آئی اے اینٹی منی لانڈرنگ نے تحریک انصاف کے رہنما چوہدری پرویز الٰہی کے اسپیشل گن مین اور فرنٹ مین محمد زمان کو گرفتار کر لیا ہے۔
ذرائع کے مطابق محمد زمان چوہدری پرویز الٰہی کا کیش بوائے اور فرنٹ مین تھا اور رقم کی غیر قانونی منتقلی میں ملوث ہے۔
محمد زمان چوہدری پرویز الٰہی کی تیسری اہلیہ سائرہ انور کے ساتھ مبینہ طور پر کرپشن کے ذریعے حاصل کیے گئے کروڑوں روپے کا لین دین کرتا تھا۔
ذرائع کا مزید کہنا ہے کہ فروری 2023 میں پولیس نے پرویز الٰہی کے کہنے پر محمد زمان کو پنجاب ہاؤس اسلام آباد سے سائرہ انور کے لیے شراب لاتے ہوئے رنگے ہاتھوں گرفتار کیا تھا۔
ایف آئی اے نے محمد زمان کے موبائل فون کے فرانزک سے اہم شواہد حاصل کر لیے ہیں۔ محمد زمان کا 4 روزہ جسمانی ریمانڈ منظور کر لیا گیا ہے۔