اردوورلڈ کینیڈا ( ویب نیوز )چیف جسٹس آف پاکستان قاضی فائز عیسیٰ نے گارڈ آف آنر دینے سے انکار کردیا۔چیف جسٹس آف پاکستان قاضی فائز عیسیٰ کی سپریم کورٹ آمد پر اسلام آباد پولیس کی جانب سے انہیں گارڈ آف آنر پیش کیا جانا تھا تاہم نئے چیف جسٹس نے گارڈ آف آنر لینے سے انکار کر دیا۔

چیف جسٹس آف پاکستان قاضی فائز  نے پولیس کو ہدایت کی کہ وہ اپنی ذمہ داری پوری دلجمعی سے ادا کریں۔
چیف جسٹس آف پاکستان قاضی فائز عیسیٰ کا سپریم کورٹ پہنچنے پر عملے نے استقبال کیا۔ اس موقع پر چیف جسٹس پاکستان نے عملے سے بات کرتے ہوئے کہا کہ آج میری بہت ملاقاتیں ہیں اور فل کورٹ ہے، مجھے آپ کا تعاون درکار ہے۔
واضح رہے کہ گزشتہ روز سپریم کورٹ کے سینئر ترین جج جسٹس قاضی فائز عیسیٰ نے پاکستان کے 29ویں چیف جسٹس کی حیثیت سے اپنے عہدے کا حلف اٹھایا۔