اردوورلڈکینیڈا( ویب نیوز)وزیراعلیٰ پنجاب مریم نواز شریف اپنے جاپان دورے کے دوسرے روز آج بھی متعدد اہم ملاقاتیں اور دورے کریں گی۔
مریم نواز شریف آج نیشنل سینٹرل پارک گلوبل ہیلتھ میڈیسن، جاپان انسٹی ٹیوٹ آف ہیلتھ سکیورٹی اور جاپان انٹرنل ٹریڈ آرگنائزیشن کے ہیڈ کوارٹر کا دورہ کریں گی۔ اس کے علاوہ وہ جاپان میں انٹرنیشنل افیئرز کے سینئر وائس منسٹر ماٹسویوٹاکی ہیکو سے بھی رسمی ملاقات کریں گی۔
وزیراعلیٰ پنجاب ٹوکیو کے علاقے اوچی کوچو اور چی یوڈاکو ٹوکیو میں اٹلس ہنڈا کے سی ای او ثاقب شیرازی سے ملاقات کریں گی اور ہنڈا ہیڈ کوارٹر میں ایلسیا ٹاور کورانو مونٹومیناٹوکو کا دورہ بھی کریں گی، جہاں انہیں کمپنی کی سرگرمیوں پر تفصیلی بریفنگ دی جائے گی۔
اس کے علاوہ مریم نواز شریف جاپان کی وزارت اکانومی، ٹریڈ اینڈ انڈسٹری کا دورہ کریں گی اور جاپان کی پارلیمنٹیرینز فرینڈشپ لیگ کے چیئرمین سے ملاقات بھی کریں گی۔ منسٹری آف فارن افیئر کی جانب سے وزیراعلیٰ اور ان کے وفد کے اعزاز میں عشائیہ بھی منعقد کیا جائے گا۔
