اردو ورلڈ کینیڈا ( ویب نیوز )میڈیا رپورٹس کے مطابق آرمی چیف دفاعی امور سے متعلق اجلاسوں میں شرکت کریں گے اور دفاعی حکام اور آرمی چیف سے ملاقاتیں کریں گے۔

جنرل عاصم منیر حکومتوں کے درمیان بات چیت کو فروغ دینے کے لیے برطانیہ کے فارن کامن ویلتھ اینڈ ڈیولپمنٹ آفس کی جانب سے قائم کردہ ایک ایگزیکٹو ایجنسی ولٹن پارک میں ایک کانفرنس میں شرکت کے لیے لندن پہنچے ہیں۔
ماضی میں ولٹن پارک نے جنوبی ایشیا میں ترقی اور سلامتی، سابقہ ​​فاٹا میں دہشت گردی اور گورننس کے ڈھانچے کے ساتھ ساتھ پاکستان میں پالیسی کے نفاذ پر کئی اہم کانفرنسوں کی میزبانی کی ہے۔
یہ کانفرنس ایک محدود پروگرام ہے، جس میں صرف برطانیہ اور پاکستانی حکام کے ایک منتخب گروپ کے ساتھ ساتھ کچھ ماہرین تعلیم کو مدعو کیا جاتا ہے۔