ishtiaq ahmed 
اردوورلڈ کینیڈا( ویب نیوز)پاکستان کے وزیر خزانہ محمد اورنگزیب اور وزیر توانائی اویس لغاری کے دورہ چین کے دوران درآمدی کوئلے سے چلنے والے پاور پلانٹس کے حوالے سے اہم پیش رفت ہوئی ہے۔
ذرائع کے مطابق چین نے کوئلے سے چلنے والے تین درآمدی پاور پلانٹس کو مقامی کوئلے میں تبدیل کرنے کا گرین سگنل دے دیا ہے کیونکہ کوئلے سے چلنے والے تین درآمدی پاور پلانٹس پاکستان میں سب سے مہنگی بجلی پیدا کر رہے ہیں۔
1320 میگاواٹ ساہیوال کول پاور پلانٹ، 1320 میگاواٹ کا حب پاور پلانٹ اور 1320 میگاواٹ کا پورٹ قاسم پاور پلانٹ درآمدی کوئلے پر چل رہا ہے اور توانائی کی ٹوکری میں سب سے مہنگے بجلی پیدا کرنے والے پلانٹس میں سے ہیں۔
ذرائع کا کہنا ہے کہ چینی وفد نے تینوں کول پاور پلانٹس کی ری پروفائلنگ کے حوالے سے پاکستانی وفد کو مثبت جواب دیا ہے۔
ذرائع نے تصدیق کی ہے کہ درآمدی کوئلے سے چلنے والے پاور پلانٹس کے معاملات کو آگے بڑھانے کا طریقہ کار بھی طے کر لیا گیا ہے۔
چینی حکام نے پاکستانی وفد کو پانڈا بانڈز کے معاملے میں بھی مکمل تعاون کی یقین دہانی کرائی ہے۔
پاکستانی وزراء کا چین کا یہ دورہ ایک ایسے وقت میں ہوا ہے جب پاکستان میں آئی پی پیز کی ادائیگی کی صلاحیت کے باعث مہنگی بجلی کا بحران شدت اختیار کر گیا ہے۔ عہدیداروں کی ملاقاتیں جاری رہیں گی۔
40
