اردو ورلڈ کینیڈا (ویب نیوز) سینیٹ کی قائمہ کمیٹی برائے تجارت میں حکام نے کہا ہے کہ چین پاکستان سے گدھے اور کتے درآمد کرنے میں دلچسپی رکھتا ہے۔

سینیٹ کی قائمہ کمیٹی برائے تجارت کا اجلاس سینیٹر ذیشان خانزادہ کی زیر صدارت ہوا۔ اجلاس میں وزارت تجارت کے حکام نے برآمدات اور درآمدات پر بریفنگ کے دوران بتایا کہ چین پاکستان سے گدھے کتے درآمد کرنے میں دلچسپی رکھتا ہے، چین گوشت برآمد کرنے والوں میں سے ایک ہے ۔

کمیٹی کے رکن دنیش کمار نے کہا کہ چین پاکستان سے گدھے اور کتے برآمد کرنے کا کہہ رہا ہے۔ کمیٹی کے رکن مرزا محمد آفریدی نے کہا کہ افغانستان میں جانور سستے ہیں کوئی خریدار نہیں۔ افغانستان سے جانور درآمد کر کے گوشت برآمد کیا جا سکتا ہے۔