اردو ورلڈ کینیڈا ( ویب نیوز ) چین نے دھمکی دی ہے کہ اگر امریکی پارلیمنٹ کے اسپیکر کیون میکارتھی نے تائیوان کے صدر سے ملاقات کی تو وہ امریکا کے ساتھ جنگ میں نکل جائے گا۔
چین نے یہ دھمکی ایسے وقت دی ہے جب تائیوان کی صدر سائی انگ وین آئندہ ماہ وسطی امریکا کے دورے کے دوران نیویارک اور کیلیفورنیا کا دورہ کرنے والی ہیں جہاں وہ امریکی ایوان نمائندگان کے اسپیکر سے بھی ملاقات کریں گی۔
تائیوان کے صدر اگلے ماہ وسطی امریکی ممالک گوئٹے مالا اور بیلیز کا دورہ کریں گے۔ یہ دورہ نیویارک اور کیلی فورنیا میں ختم ہوگا تاہم امریکی اسپیکر سے ان کی ملاقات کی ابھی تک سرکاری طور پر تصدیق نہیں کی گئی۔
تاہم چین کے تائیوان امور کے دفتر کے ترجمان ژو فینگلن نے الزام لگایا کہ تائیوان کے صدر کے وسطی امریکی ممالک کے دورے کے دوران نیویارک اور کیلی فورنیا جانے والی ٹرانزٹ فلائٹ صرف ہوائی اڈے یا ہوٹل پر انتظار کرنے کے لیے نہیں تھی، بلکہ امر یکی حکام اور قانون. بنانے والوں سے ملنے کے لیے۔ تائیوان میں چین کے ترجمان Zhou Fenglin نے مزید کہا کہ صدر Tsai کی امریکی ہا ئوس کے اسپیکر میک کارتھی سے ملاقات ایک اور اشتعال انگیزی ہوگی، جو کہ ون چائنا اصول کی سنگین خلاف ورزی ہے اور چین کی خودمختاری اور علاقائی سالمیت کو نقصان پہنچاتی ہے۔
چین کی دھمکی کے جواب میں تائیوان کی مسلح افواج نے کہا کہ وہ صدر سائی کے بیرون ملک دورے کے دوران کسی بھی چینی اقدام کی نگرانی کر رہے ہیں اور قومی دفاع اور سالمیت کو یقینی بنائیں گے۔ یاد رہے کہ یہ پہلا موقع نہیں ہے کہ چین نے تائیوان کے صدر کی امریکی اسپیکر سے ملاقات پر اشتعال انگیزی کا مظاہرہ کیا ہو۔
گزشتہ سال اگست میں جب امریکی اسپیکر نینسی پیلوسی تائیوان پہنچی تو چینی طیاروں نے فضائی حدود کی خلاف ورزی کی۔ چین کا دعوی ہے کہ تائیوان اس کا حصہ ہے جب کہ امریکہ سمیت دیگر ممالک تائیوان کی آزاد اور خودمختار ریاست کی حمایت کرتے ہیں۔
