رپورٹ کے مطابق چینی سفیر نے اسلام آباد میں منعقدہ سیمینار میں کہا کہ ہم اگلے 10 سالوں کے دوران منصوبوں کو مزید فروغ دینے کے لیے تمام شعبوں سے تعلق رکھنے والے اپنے پاکستانی ساتھیوں کے ساتھ مل کر کام کرنے کے لیے تیار ہیں۔

انہوں نے کہا کہ ہم صدر شی جن پنگ اور پاکستانی رہنماؤں کے درمیان سلامتی اور ترقی کے شعبوں میں اعلیٰ معیار، پائیدار اور بہتر تعاون کے معاہدوں پر عمل درآمد پر باہمی اتفاق کر سکتے ہیں۔

چینی سفیر کا خیال ہے کہ پاکستان اور چین مشترکہ طور پر CPEC راہداری کو محبت اور امن کی راہداری میں تبدیل کر سکتے ہیں، انہوں نے کہا کہ صنعت، زراعت، کان کنی، سائنس و ٹیکنالوجی اور آئی ٹی کے شعبوں میں باہمی تعاون کو وسعت دی جائے گی۔