اردوورلڈ کینیڈا ( ویب نیوز)چینی نائب وزیراعظم ہی لیونگ تین روزہ دورے پر پاکستان پہنچ گئے، وزیر داخلہ رانا ثناء اللہ نے معزز مہمان کا استقبال کیا۔
تفصیل کے مطابق چین کے نائب وزیراعظم 3 روزہ اہم دورے پر پاکستان پہنچ گئے ہیں۔ وزیر داخلہ رانا ثناء اللہ نے معزز مہمان اور ان کے ہمراہ وزراء کا استقبال کیا۔

چینی نائب وزیر اعظم کو خصوصی پہرے میں ایئرپورٹ سے باہر لایا گیا۔
چینی نائب وزیراعظم حکومت پاکستان کی جانب سے سی پیک کے 10 سال مکمل ہونے پر منعقد ہونے والی خصوصی تقریب میں بطور مہمان خصوصی شرکت کریں گے۔ اس تقریب میں سی پیک منصوبوں پر کام کرنے والی چینی کمپنیوں کو ایوارڈز بھی دیے جائیں گے۔
نائب وزیراعظم خصوصی طیارے کے ذریعے اسلام آباد میں نور خان بیس پہنچے۔ معزز مہمان کی آمد کے موقع پر اسلام آباد کی مختلف شاہراہوں اور عمارتوں کو خوبصورتی سے سجایا گیا ہے۔