اردو ورلڈ کینیڈا ( ویب نیوز ) امریکی میڈیا کے مطابق امریکی سی آئی اے کے ڈائریکٹر بل برنز نے اسرائیلی اور قطری حکام سے بات چیت میں یہ تجویز دی۔میڈیا رپورٹس کے مطابق حماس کی جیل سے 8 سالہ غمالیوں کی رہائی کے بدلے درجنوں فلسطینیوں کو رہا کرنے کی تجویز بھی دی گئی ہے۔دوسری جانب لبنان کی وادی بقاہ میں اسرائیلی حملوں میں 60 شہری شہید اور متعدد زخمی ہوگئے جب کہ بعلبک شہر میں 16 شہری شہید ہوئے۔

دوسری جانب حزب اللہ نے جوابی کارروائی کرتے ہوئے اسرائیل پر راکٹ حملے کیے، جس پر اسرائیل نے حزب اللہ کے 100 سے زائد راکٹ تباہ کرنے کا دعویٰ کیا ہے۔ اس کے علاوہ غزہ پر اسرائیلی جارحیت کا سلسلہ جاری ہے جہاں صہیونی فوج کے حملوں میں 53 فلسطینی شہید ہو گئے۔غزہ جنگ کے نتیجے میں شہید ہونے والے فلسطینیوں کی تعداد 44 ہزار سے تجاوز کر گئی ہے جن میں بچوں اور خواتین کی بڑی تعداد شامل ہے۔