آج کی سماعت میں پی ٹی آئی چیئرمین اور شاہ محمود قریشی پیش ہوئے جس کے بعد خصوصی عدالت کے جج ابوالحسنات ذوالقرنین نے کیس کی سماعت 4 دسمبر تک ملتوی کردی۔
ایف آئی اے کی ٹیم ریکارڈ سمیت اڈیالہ جیل پہنچ گئی، چیئرمین پی ٹی آئی کے وکلا، پراسیکیوٹر شاہ خاور، ذوالفقار عباس نقوی ایڈووکیٹ اور اسپیشل پراسیکیوٹر رضوان عباسی بھی کمرہ عدالت میں موجود تھے۔
اس کے علاوہ سماعت کے دوران پی ٹی آئی چیئرمین کی اہلیہ بشریٰ بی بی، بہنیں اور شاہ محمود کے اہل خانہ بھی کمرہ عدالت میں موجود تھے جب کہ آج کی سماعت میں میڈیا کے نمائندوں اور عوام کو داخلے کی اجازت نہیں دی گئی۔
واضح رہے کہ گزشتہ روز پاکستان تحریک انصاف کے چیئرمین اور سابق وزیر خارجہ کے خلاف سائفر کیس کے جیل ٹرائل کا نوٹیفکیشن موصول ہونے کے بعد آفیشل سیکرٹ ایکٹ کی خصوصی عدالت نے سائفر کیس کی سماعت ملتوی کردی تھی۔