اردوورلڈ کینیڈا ( ویب نیوز )چیئرمین پی ٹی آئی عمران خان نے سائفر کیس میں اسلام آباد ہائی کورٹ میں درخواست ضمانت دائر کردی۔
عمران خان نے اپنے وکیل بیرسٹر سلمان صفدر کے ذریعے ہائیکورٹ میں درخواست دائر کی جس میں انہوں نے عدالت سے درخواست کی کہ انہیں ضمانت پر رہا کیا جائے۔

انہوں نے درخواست میں کہا کہ استغاثہ نے بدنیتی پر مبنی مقدمہ دائر کیا اور من گھڑت کیس میں چیئرمین پی ٹی آئی کو بدنیتی سے نامزد کیا گیا۔
یاد رہے کہ آفیشل سیکرٹ ایکٹ کی خصوصی عدالت نے عمران خان کی درخواست ضمانت مسترد کردی تھی۔
جسٹس ابوالحسنات ذوالقرنین کی جانب سے لکھے گئے فیصلے میں کہا گیا کہ ہمیں اس حقیقت کو نظر انداز نہیں کرنا چاہیے کہ یہ ایک خفیہ کیس ہے اور عمران خان اور شاہ محمود قریشی کے خلاف ناقابل تردید شواہد اس کیس سے ان کا تعلق ثابت کرنے کے لیے کافی ہیں۔ ، ملزمان کو آفیشل سیکرٹ ایکٹ کی دفعہ 5 اور 9 اور غیر ضمانتی دفعات کے تحت ظاہری جرائم کا مجرم پایا گیا ہے۔